Menntun í velferð snýst um að þróa færni nemandans til að auka vellíðan og hamingju og þekkja áhrif hugsana á tilfinningar, líðan og hegðun. Með velferðarkennslu má efla þætti á borð við hugarfar, bjartsýni, þrautseigju, félagsfærni og tilfinningahæfni. Vöxtur og vellíðan nemandans eru í forgrunni. Með markvissri velferðarkennslu má efla skólastarf umtalsvert og styrkja bæði nemendur og kennara í leik og starfi.