Halldóra Guðlaug veitir ráðgjöf í leikskólum og eftir atvikum í grunnskólum. Hún hefur lokið B.Ed., er því kennari að mennt og með diplómu í sérkennslufræðum. Hún hefur sótt hagnýt starfstengd námskeið m.a. tengd skimunartækjum, málþroska, sérkennslu, lestrarnámi og -erfiðleikum.

Hún hefur kennslureynslu í leik- og grunnskólum, verið sérkennslustjóri og staðgengill leikskólastjóra. Hún hefur sinnt kynningarstarfi og haldið starfstengda fyrirlestra. Á starfstíma hennar í Leikskólanum Heklukoti hlaut skólinn Menntaverðlaun Suðurlands.